كلما بقول بلاها #خليني_ساكت تعميم ورا تعميم،اليوم تعميم جديد برقم ٦٠١ وسعر جديد حسب الموسم ٨٠٠٠ ل.ل حتى “فرانكلين” زاغوا عيونو ومنو مصدق لان اكيد في أسباب علمية للموضوع هو ونحنا مش فاهمين،بدي ذكر يللي ذاكرتو قصيرة،نحنا ببلد إقتصادو حر حق كل شخص سحب أمواله كما يشاء وبالكمية التي يشاء وبحسب العملة يلي حسابو مسجل فيها لدى المصارف،بلاها خليني اليوم ساكت عن هل تعميم لانو السوق السودا حدا عم يديرها وحزروا انتو مين وخبروني.
خليني احكي عن التعميم رقم ٥٦٨ يلي تم تقديم الطعن فيه من قبل جمعية الصناعيين في ٢٣ تشرين الأول سنة ٢٠٢٠ في مجلس الشورى ويلي بيلزم الشركات بدفع قروضهن بعملة العقد بين المؤسسة التجارية والمصرف وباقي القروض تستوفيها المصارف بالليرة اللبنانية ولليوم ما في جواب. غريب شو المطلوب نحمي المصارف على حساب باقي القطاعات ونأفلسهن،الشركات تستوفي ديونها بالليرة وعلى سعر الصرف الرسمي ١٥٠٧.٥ والمصارف بالعملة غير اللبنانية،كيف فيهن يستمروا هل المؤسسات بجميع القطاعات وعندهن آلاف الموظفين.شو المطلوب نأفلس كل المؤسسات؟ الكل لازم يستوفوا قروضهم بالليرة وعلى السعر الرسمي دون اي استثناءات.
العملة الوطنية هي عملة الابراء،المطلوب البت بهذا الطعن وبسرعة،ليش عم يتأخر مجلس الشورى عن البت بهالطعن؟! لازم نحمي جميع القطاعات والأفراد وبحسب القوانين والدستور.
