بعيداً عن المناكفات العقيمة(بيي أقوى من بيك وعندك عشرة عندي مية) المسماة بالسياسة،خليني احكي عن السياسة الشبابية والرياضية،بداية مبروك لدانيال جاد على فوزه ببطولة التنس الاوروبية في فئة الناشئين وشكر خاص لأهله د. سامي.ود.ايليز على دعم الرياضة من خلال دانيال ولدهم دون أي دعم معنوي أو مادي من الجهات المختصة.
#سؤال_يسأل شو هي الصعوبة لينفهم عليي صرلي سنين بردد، لو عطينا شوية أهمية وحضرّنا الرياضيين الناشئين على أمثال دانيال ووظفنا شوية من الموازنات على الناشئين كنا عالأكيد بأفضل حال بالرياضة وبالوضع العام ولو أعطينا شوية أهمية للسياسة الشبابية والرياضية أكيد كنا اليوم بدل ما نلتهي (ببيي أقوى من بيك) كنا كلنا على الشاشات بانتظار رفع العلم اللبناني بانتصارات حقيقية ومش وهمية بعدة بطولات دولية، وهنا #سؤال_يسأل شو هني الطموحات و التحضيرات لهذه الطموحات يللي عم تقوم فيا اللجنة الأولمبية اللبنانية لأولمبياد ٢٠٢٤ لنقدر نرفع العلم اللبناني ونحصل على ميداليات ذهبية شو ناقصنا،نحنا بارعين بعدة ألعاب جماعية وخاصة بالألعاب الفردية يللي معظم الوقت ممولة ذاتياً من اللاعب أو أهله، لو بس منتحضر من هلق بالقليلة منجيب ميداليتين او تلات ذهبيات أو اكتر،والدرس لمن يتعظ.
