مستغربين ليش صار في مشكل بمار مخايل، أهالي وسكان مار مخايل والجميزة صرلن مدة عم بيعانوا من مخالفات وتعديات عم تحصل يومياً من قبل بعض الحانات الغير مرخصة ومن بعض الرواد بتصرفاتهم اللأخلاقية يللي تجاوزت كل حد وتسببت بإقلاق راحتهم يومياً،السكان والأهالي عم يراجعونا يومياً وعلى أثر الشكاوى طلبنا مراراً وتكراراً من وزيري الداخلية والسياحة والمحافظ لجم هيدي الفوضى، واليوم حصل ما حصل وطبعاً هيدي نتيجة عدم الجدية لمتابعة هالملف، وكانوا الاهالي حذروا بدورن مراراً وتكراراً من أخد حقهم بإيدهم وطبعاً هيدا شي مرفوض.
ولكن نقولها بوضوح أهالي منطقتنا منن أيتام ونقطة عالسطر. ونكرر اليوم مطلبنا بعد الإشكالات التي حصلت لمنع تكرارها، وبدورنا ما رح نكتف إيدينا أمام تغيير هوية المنطقة تحت أي عنوان لا يراعي القيم الأخلاقية للمنطقة وأهاليها هم قدوة بالقيم الأخلاقية والثقافة. مع التشديد بإنو لن نقبل تحويل المشكل الى مواجهة بين الأهالي ورواد المنطقة.
